Теодора Ристеска Даскаловски сите ја знаат како Теди. Таа е 14-годишно девојче со страст за пишување, читање и патувања. Ако не е дома и не пишува, ќе ја најдете надвор со своите пријател(к)и како планираат нови авантури. Хоби ѝ е јавање коњи. Има црн појас во применето аикидо, а ги сака и стриповите и филмовите на Марвел. Се залага за правата на младите и жените, LGBTQ+. Голем фан е на „Вардар“, навиваше за девојките на „Фајнал фор“ во Будимпешта. Одлична е во дебата, низ годините има освоено грст медали на „Scholar’s Cup“. На зима скија, а распустот го минува со пријатели во Охрид. Пиратите ја фасцинираат и пред пандемијата уживаше во нивните летни карневали во Castelldefels. Омилена серија ѝ е „Gilmore Girls“. Слуша инди-рок и игра шах. Пред да ја објави „Убиствата на пеперутките“ има напишано кратки детски приказни од жанрот фантазија.