Томас Ман (1875 – 1955) е германски раскажувач, автор на кратки раскази, есеист, општествен критичар, филантроп и добитник на Нобеловата награда за литература во 1929 година. Уште од гимназиските денови почнал да објавува во месечниот книжевно-критички журнал. По успехот на романот „Буденброкови“ (1901), ги објавил своите кратки раскази и новели, меѓу кои најзначајни се и „Тристан“ и „Тонио Крегер“. Со доаѓањето на Хитлер на власт во Германија (1933), до крајот на животот живеел во егзил во Швајцарија и во Америка. Бил прогласен за член на Пруската академија за книжевност и почесен доктор на многу универзитети.