Вера Лилчиќ е родена во Белград во 1932 година. Завршила средно медицинско училиште во Ниш, на отсекот фармација, а се вработила во „Градската аптека“ – Скопје, каде што го поминала сиот свој работен век. Отсекогаш другарувала со книгите и уште од рано детство се обидела да пишува песни, кратки раскази, најпосле и роман. Автор е на поетската книга „Тајни на ѕвездените патеки“ (2016), збирката раскази „Мулен руж“ (2017), романот „Љубов низ солзи“ (2017), збирката поезија „Графити“ (2020), книгата поезија за деца „За сите деца“ (2020), како и прозите од планинарскиот дневник „Планино, убавице!“ (2022).