Здењек Јиротка (1911 – 2003) бил чешки писател познат по своите хумористични романи, раскази, фељтони и радиодрами. Роден е во Острава, а по завршувањето на градежно-техничкото училиште, па сè до 1940 година, служел како офицер во Чехословачката армија. По анексијата на земјата од страна на нацистите работел во Министерството за јавни работи, а од 1942 година, по успехот на неговиот најпознат роман „Сатурнин“, целосно се посветил на книжевноста. Бил уредник и соработник во повеќе весници и списанија. Со својот духовит и сатиричен стил, Јиротка оставил значаен белег во чешката литература од XX век.