Зулфу Ливанели (1946) е турски писател, композитор, филмски режисер и политички активист. Важи за еден од најважните турски културни дејци на нашето време и познат е по своите романи во кои се испреплетуваат најразлични општествени и историски заднини, личности и случувања. Одреден период живеел во прогонство. Бил дел од турскиот парламент и од Советот на Европа. Делата му се преведени на триесет и седум јазици, имаат освоено бројни меѓународни книжевни награди и се екранизирани во филмови, драмски претстави и опери.