Нема производи.

Дај пет за Анде Јанков

  /  Дај пет за гости   /  Дај пет за Анде Јанков

Дај пет за Анде Јанков

 

 

1. Деца на злото, Миодраг Мајиќ – Мистериозен крими-трилер кој покрај тоа што ве вовлекува во неговите страници и ја отсликува реалноста на регионот во која живееме сите ние. Книгата ми остави силен впечаток, најмногу поради тоа што и самиот пишувам за слични проблеми кои се сретнуваат и во моите книги.

 

2. Софи Хана – Убиства со монограм – Маестрално напишано четиво за Херкул Поаро, кое само ќе ви остави поголем впечаток, бидејќи за прв пат доаѓа од перото на некој друг освен Агата Кристи.

Како и да е, заплетот и расплетот на книгата се исто толку добри како и кај оригиналната писателка.

 

 

3. Повикот на кукавицата – Роберт Галбрајт – Обидете се да ја прочитате книгата а потоа да истражите за авторот позади истата. Извонредно смислена приказна од жанрот на hard-boiled трилер, исто како и одлично смислени ликови од лондонското поднебје.

Беше доста интересно да се чита некоја друга приказна од перото на оваа мегапопуларна писателка.

 

4. Нека играат децата – Денис Бојаров – Збирка раскази од домашен автор која длабоко ќе ве допре. Собрани приказни од секојдневие кои говорат за блиски теми со кои секој од нас се соочил. Ова беше мое прво читање на збирка раскази и можам да кажам со задоволство дека не ме разочара воопшто.

 

5. Ана – Николо Аманити – Безвременски наслов кој и покрај sci-fi елементите во овие времиња изгледа доста релевантно. Можеби најдобрата книга досега од овој италијански автор. Иако станува збор за дистописки роман, темите кои ги сретнав во него ме натераа да размислувам на актуелни теми.

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram