Нема производи.

Нема производи.

НЕВИДЛИВИОТ ЧУВАР од баскиската авторка Долорес Редондо (Шпанија)

  /  Соопштенија   /  НЕВИДЛИВИОТ ЧУВАР од баскиската авторка Долорес Редондо (Шпанија)

НЕВИДЛИВИОТ ЧУВАР од баскиската авторка Долорес Редондо (Шпанија)

 

 

Како што растев и созревав, сфатив дека не можам да избегам од местото во кое пораснав.

Мојот универзум беше Северот, и тоа е опкружувањето што го избирав и за моите романи.

Books & Reviews, UK, интервју со Долорес Редондо

10 јуни 2019

 

Издавачката куќа Антолог од Скопје со големо задоволство соопштува дека во рамките на проектот Читаме заедно! (United we read!) ја објави книгата НЕВИДЛИВИОТ ЧУВАР од Долорес Редондо

 

Долорес Редондо е баскиска писателка што пишува на шпански јазик. Студирала право, но подоцна се запишала и дипломирала на гастрономија, по што работела во неколку ресторани, за на крајот да отвори и свој локал. Во светот на литературата влегла пишувајќи кратки раскази и приказни за деца.

Во 2013 година ја објавила книгата Невидливиот чувар, напнат и возбудлив психолошки трилер, со кој стартувала Бастанската трилогија, која е преведена на повеќе од 15 јазици и продадена во повеќе од 700 000 примероци.

 

Првиот дел од трилогијата е насловен Невидливиот чувар и започнува со трагично откритие на кејот на реката Бастан – голо тело на тинејџерка. По многу години минати надвор од Елисондо, инспекторката Амаја Саласар се враќа во родниот град за да го најде убиецот што своите жртви ги избира меѓу локалните млади девојки. Тој ги задушува и ги остава голи во шумата следејќи некаков вид мрачен ритуал.

Додека се обидува да го изгради профилот на убиецот и да ги реши убиствата, Амаја мора да се соочи со сеништата од сопственото минато. Приказната тече на два фронта истовремено – професионален, концентриран на решавањето на серијата убиства; и личен, кој станува исто толку значаен и изненадувачки како и исходот од истрагата.

Растргната меѓу рационалните процедури на својата работа и локалните суеверија останати од времето на шпанската инквизиција, Амаја се бори против личните демони на своето минато, обидувајќи се да го открие убиецот што е во бегство.

Линијата помеѓу митологијата и реалноста почнува да се заматува и Амаја мора да открие дали убиствата се дело на ритуален убиец или на митското суштество познато како Басајаун – невидливиот чувар!

 

Во изданието на Невидливиот чувар на македонски јазик преводот од шпански е дело на Виолета Јагев, а графичкото уредување е на Марко Трпески. Книгата е објавена со поддршка на програмата Креативна Европа на Европската Унија и на Министерството за култура на Република Македонија.

 

 

Trivia

Чичарони тортички се кружни шпански колачи што традиционално се подготвуваат од пржено свинско месо, брашно, шеќер и свинска маст и се карактеристичен детаљ што се среќава во сите романи на Долорес Редондо. Преку романите на Редондо овој десерт се популаризирал и надвор од неговиот домицилен простор – Навара.

 

 

 

 

 

 

Следете нè на:

Facebook

https://www.facebook.com/antolog

 

Instagram

antolog_mk

 

Youtube
https://www.youtube.com/channel/UCPMeZZYy8_NAAGJ4bUR3OeA

 

 

Контакт Aнтолог
Кристина Велевска

e-mail: kristina@antolog.mk

ул. „Ѓорѓи Пулевски“ 29 лок. 1 Скопје

тел. / факс 3201-007

www.antolog.mk

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram