На 10 ноември 2020 година во Уметничката галерија во Куманово се одржа изложба и промоција на книгата „Pismo.docx“ од Ана Јовановска и Бранислав Лукиќ Лука. Делото претставува еден некуриран дел од секојдневниот живот на две сосема различни индивидуи по род, пол, возраст, потекло, култура, националност, религија и убедување. Она што ги поврзува е желбата за комуникација и споделување. Преку нивните писма, читателот директно влегува во нивниот свет и интимна мисла, го следи нивниот развој и осознава и создава за себе нови перспективи за сите претходно наведени различности. На настанот имаше и изложба на илустрации поместени во книгата.