Бранка Богавац е родена во 1937 година во Вирпазар, Црна Гора. Дипломирала француски јазик и книжевност во Белград, Србија, а магистрирала на Сорбона, Франција. Била универзитетски професор и директор на Културниот центар на Србија и Црна Гора во Париз, но најголем дел од животот го поминала како дописен новинар за сите најважни дневни весници и списанија од поранешна Југославија, со посебен акцент на културата. За своето творештво е одликувана со Наградата на градот Берано „21 јули“, како и со орденот „Витез на уметноста и книжевноста“ од Министерството за култура на Франција. Објавила десет книги под заеднички наслов „Разговори во Париз“.