Елена Јошеска, превод и администрација

 

 

 

1.

„Убиствата на Алиса“ – Гиљермо Мартинес

Мислевте дека „Алиса во земјата на чудата“ е само уште еден цртан филм? Но што ако некој ја користи приказната на Алиса како шема за серија убиства? За љубителите на решавање загатки, оваа книга е за вас.

 

2.

„Соларис“ – Станислав Лем

Малку поинаква научна фантастика. За некој што не е љубител на овој жанр, „Соларис“ е вистински предизвик. Ни јас немав големи очекувања, но, откако ја прочитав, книгава ме освои.

 

3.

„Убиство во библиотеката“ – Џорџе Арион

Детективска класика. Убиство, жртва и осомничен што решава да стане детектив. Гарантирам дека 90 % од вас нема да погодат како завршува оваа книга.

 

 

4.

„Седумцрквие“ – Милош Урбан

(Не)типичен готски трилер. Цркви, убиства, историја, фантазија, реалност… Ве предизвикувам да ја прочитате книгата и да се обидете да повлечете граница меѓу овие елементи.

 

5.

„Град на девојки“ – Елизабет Гилберт

За разбивање монотонија од трилери. Доказ дека животот без стереотипи е многу повозбудлив. Раскажано од жена на која најважна работа во младоста ѝ биле сексот и театарот.