Анета Попова, родена во Скопје во 1983 година.  Дипломирала на Архитектонскиот факултет во Скопје. Во 2009 година ја објавува книгата раскази Најкратки раскази („Антолог“), а во 2011 година во Љубљана, во соработка со уште една  авторка, го објавуваат експерименталниот драмски текст Капка („Екслибрис“). Учествува во промоцијата на Светското поетско движење. Нејзини раскази се објавени во реномираното книжевно списание „Sarajevske sveske” (Сараево, 2009), а нејзини песни се дел од поетските антологии  Van kutije (Подгорица, 2009), Ветерот носи убаво време (Скопје, 2012),  Антологија на младата македонска авангардна поезија (Скопје, 2012), како и во склоп на хрватското поетско списание „Poezija – časopis pjesničke prakse” (Загреб, 2013). Драмата Тринити („Антолог“, 2013) е нејзина трета објавена книга.