Дмитриј Александрович Орехов (1973, Санкт Петербург) е познат православен писател и публицист. Успешен новинар, автор на неколку познати дела, меѓу кои и неговиот роман „Буда од Бенарес“, во кој Орехов го покажува своето исклучително познавање на една голема светска религија, не криејќи ја својата приврзаност кон христијанството. Негови познати дела се: „Руските светители и подвижници на ХХ век“, „Исцелителот Пантелејмон“, „Подвигот на Царското семејство“, „Чудото на миротечението“, „Андреј Рубљов“, „Светите места на Русија“.

Успешно работи и како драматург. На Петтиот Пасхален театарски фестивал (2016), претставата според неговата пиеса „Сведок“ доби „Гран при“. Тој е лауреат на конкурсот „Нова проза за нашите деца“ (2005), а дипломант е и на Меѓународниот конкурс за литература за деца и младинци што го носи името на Алексеј Толстој.