Мел Робинс е дипломиран правник адвокат на одбрана во кривични предмети, која го завршила образованието со највисоки оценки; исто така е и претприемач, чија проникливост и оригинален приод кон актуелните трендови ѝ помогнаа да стане баран коментатор, меѓународно признат говорник, надворешен уредник соработник во списанието Саксес, автор на едни од најпродаваните наслови, стручњак за меѓучовечки односи и активист на Комон сенс.

Десетици милиони гледачи од целиот свет ги следат нејзините ставови и жестоко изразувани мислења на различни емисии, почнувајќи од д-р Фил, Андерсон Купер, Тудеј шоу, Д ток, Опра, Си-ен-би-си и ФОКС бизнис.

Нејзината прва книга, ДОСТА ВЕЛИТЕ ДЕКА ВИ Е СУПЕР – Најискрен водич како да добиете што сакате, ги учи читателите како да престанат да ги одложуваат обврските и како да ги постигнат зацртаните и посакувани цели со помош на резултатите од најновите истражувања и на генијални стратегии.

Мел ужива да зборува пред големи аудиториуми и да држи говори и работилници на високо ниво, на големи бизнис-конвенции и на конференции за лидерство низ светот. Домаќин е и на програмите за предводништво и за обуки наменети за компании како Џонсон енд Џонсон, Фиделити, Партнерс хелткер, Велс фарго; за водечки адвокатски канцеларии, семејни бизниси и за приватни компании низ Америка.

Има дипломирано на колеџот Дартмут и на правниот факултет при колеџот во Бостон. Мајка е на три деца на училишна возраст и сопруга на колега претприемач Кристофер Робинс, инаку коосновач на Стоун харт пица.