Нема производи.

Нема производи.

Саво Костадиновски

  /  Саво Костадиновски

Саво Костадиновски

Саво Костадиновска

Саво Костадиновски е еден од најпознатите и најпродуктивните македонски писатели за деца и за возрасни, кој поголемиот дел од својот живот го минува во туѓина. Неговата печалбарска „одисеја“ ја почнува уште од најраната младост, некаде веднаш по катастрофалниот скопски земјотрес, во 1963 година, и таа негова „жива книга“ ја бележи страница по страница, ја пишува и допишува сè до ден-денешен. Саво Костадиновски е роден на 30 мај 1950 г. во Горно Ботушје, во областа Порече, општина Македонски Брод; преубаво село распослано под падините на Добра Вода, на приближно иста километарска оддалеченост од Македонски Брод и Гостивар. Основно училиште завршил во родното место и во Гостивар, Техничко училиште во Белград, а Више образование оформил во Германија. Во таа далечна, северна земја, во градот Келн, на реката Рајна, тој го минал поголемиот дел од својот животен и работен век. Важно е да се одбележи дека Костадиновски уште веднаш по доселувањето во гостoпримливиот Келн, во 1973 година, за време на неговите студии, почнал да пишува поезија и на германски јазик, и со тоа, како дводомен автор, придобива свои верни читатели и почитувачи и во Германија и во Македонија, но и не само во тие две земји. И подоцна, иако работел на најразлични места, вложувајќи го својот труд, знаење и умеење во најразлични професии, пред сè во сферите на техниката и инженерството, но и во угостителството, туризмот, сообраќајот, градежништвото, Саво Костадиновски во ниеден момент не дозволил да го запостави убавиот пишан збор, кој го вознесувал во недогледните и недоодните простори на уметничката дејност. Првата збирка со песни Саво Костадиновски ја објавил кај познатиот издавач на литература за деца и млади „Детска радост“ уште во далечната 1980 година. Тоа е збирката Лето во родниот крај. Потоа следат следните збирки за деца:

– Копнежи (1989 г.)

– Кафез без птици (Од Ботуше до Келн) (1990 г.)

– Децата на светот (1990 г.)

– Песни (1991 г.)

– Песни од Ботуше (1992 г.)

– Песни (1993 г.)

– Порече (1995 г.)

– Илјада и една носталгија (2001 г.)

– Роден крај со срце (2005 г.) – кратки раскази.

Многу од песните и расказите за деца и за возрасни на Саво Костадиновски како засебни творби се преведени на повеќе странски јазици, додека неговата збирка стихови за возрасни („Поезија за поезијата“) досега е печатена двојазично на македонски и романски (2002 г.) и на македонски и германски (2012 г.). За возрасната читателска публика ја објавил и автобиографската романсирана хроника „Трите века“ (2005 г.) Саво Костадиновски е член на Друштвото на писателите на Македонија и на Сојузот на писателите на Германија, а како значаен поет и прозаист, патописец и есеист, кој се занимава и со преведувачка дејност, членува и во Сојузот на литературните преведувачи на Македонија.

Поврзани продукти

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram