Александар Кујунџиски
Александар Кујунџиски е писател за деца и возрасни, хуморист и сатиричар. Роден е во Пехчево на 1 октомври 1946 година. Основно образование стекнал во училиштето „Ванчо Китанов“ во родното место, гимназија во Берово и во Куманово, а Филозофски факултет во Скопје. Живеел во Пехчево, Штип, Берово, Куманово и во Скопје, а до сопственото човечко и творечко осамостојување работел како хуморист во Радио Скопје, како новинар во Редакцијата за емисии за деца и како уредник на списанието „Ловец“.
Член е на Друштвото на писателите на Македонија од 1987 година.
Од 1990 г. па сè до остварувањето на правото на старосна пензија на 1 октомври 2010 г. е самостоен уметник-писател. Македонски писател со најмногу „стаж“ како самостоен уметник.
Со неговото име е поврзан рекордот по број на книги издадени во текот на една календарска година. Дури 17 наслови во 1994 година! Во 1999-та го основа книгоиздателството Антолог. Посветувајќи се исклучително на литературното творештво и создавајќи дела од сите литературни родови и видови, за сите возрасти сегашни, идни и бивши читатели, Александар Кујунџиски досега објавил 140 книги – први изданија – 116 за деца и 24 за возрасните читатели). И тоа:
Поезија за деца: Од една до сто и една (1988), Пијано виножито (1991), Прободено слце (1991), Нека патува добрината (1994), Збор како бор (1994), Денес празнуваме (1996), Растеме, растеме… (1997), Во царство на другарство (1998), Зборовно оро (1999), Нова планета (2006), Распеани песни (2006), Спомен среде срце (2007), Нека ечат песни (2008), Гнездо од бетон (2010), Зборчиња – изворчиња (2010), И строфите растат (2013), Штраке-штруке (2017), На крилјата од песните (2020).
Раскази за деца: Немирен ден (1979), Во ливадите на детството (1981), Другарувања (1983), Жарко Попарко (1986), Строго дов. (1990), Ја сакаш ли природата? (1992), Азбукарка (1993), Жарко Планинарко (1994), На тема, на тема… (1996), Чудни чуденки (1999), Слики од детството (2017), Компјутерџии (2021).
Романи: Мотошишарка (1982), Кој сака да биде космонаут? (2016).
Сказни: Солитерски сказни (1985), Сказна за Тумбија (1994), Кралот Ал Со Крпен Шал (1995), Од Сметонија до Бонбонија (1997), Еколошки сказни (2006), Весело летување (2007), Расцветани сказни (2009), Happy…роденден! (2014), Свадбата на Ежо и Ежа (2021), Ешка Смешка (2021), Ешко Жешко (2021), Ешко Снешко (2021), Ешко Црешко (2021), Ешка Грешка (2021), Ешка Решка (2022). Ешко Тешко (2022).
Драмски текстови: Сцени без завеси (1991), Кажи, па ќе ти кажам (1994), Одберете за вашите приредби (1994), Театарче „Клопотарче“ (1994), Џунгла в соба (1995), Чисти артисти (2000), Едночинки (2002), Сцени и сценарија (2006), Раски и маски (2018).
Басни: Осилки (1978), Капка по капка – океан (1980), Џуџести џинови (1994), Предгорје (1994), Лозинки (1995), Басни (2003).
Гатанки: Гатанки – катанки (1993), Гатанки-катанки – изменето и надополнето издание (1994), И гатанки, и боенки (1994), Гатанки – катанки – 2 (1997), Загатки и одгатки (1997), Триесет и три итрини (1997), 1001 гатанка (1998), Гатанки (2002).
Сликовници: Глен – Супермен (заедно со акад. сликар Васко Ташковски; 2018), Новогодишен пречек (2018).
Збирки со разновидни литературни творби (песни, раскази, сказни, басни, пиеси, гатанки, брзозборки, афоризми): Тој е патот, друг нема (1986), За во скришното џепче (1992), Цветови – светови (1993), Есен (1994), Зима (1994), Пролет (1994), Лето (1994), За најмалите – најубавите (1995), Чекор по чекор (1995), Повели, детенце! (1995), Зоштковци (1995), Ѕвончето ѕвони (1995), Од септември до септември (1995), Денес – забаваче… (1995), …Утре – прваче (1995), Смешна книга (1996), Вреќна Нова година (1996), Нема што нема (1996), Време за зреење и за пеење… (1996), …Време за цветање и за летање (1996), За вас, деца! (1996), Добра ноќ, дену! (1997), Ја сакам природата (1997), Среќно забавачиња… (1997), …Идни првачиња (1997), Кој ќе ми чита? (1997), Детство – волшепство (1997), Прваче (1997), Вреќна Нова година – изменето и надополнето издание (1997), Учам, учам, да научам… (2000), Природо, љубов моја! (2000), Боли глава – без демократија и детски права (со коавтор, 2003), Мои бои (2004), Букви, укви, кви… (2004), Броеви – роеви (2004), Одлична единица (2005), Новогодишна честитка (2005), Сакам книга (2006), Разбој – разнобој (2006), Дедо Мраз, Дедо Врелчо, Снешко Црнчо и Снешко Белчо (2006), Моите (не)напишани романи (2007), И од пиле млеко (2007), Јас – Дедо Мраз (2009), Нерешено (2019).
Раскази за возрасни: Надојдени реки (2002).
Биографски запизи: Блажени нишки (2020), 75 (2022).
Поезија за возрасни: Пробај љубов ти да скриеш (2015).
Хаику: 100 (2008), Ха и ку (2010), Гулаби над Фуџи (2011), Црешар врз слива (2012), Сонце и Месечина (2013), Животот е – хаику (2019).
Новелети: Деветнаесет црвени каранфили (1994), Препишано од животот (2015).
Хумор и сатира (хуморески, хумористично-сатирична поезија, скечови, афоризми, епиграми, епитафи): За сè и сешто и за друго нешто (1978), Љубов… оф, оф! (1980), Трнливи стихови (1994), Шах-мат торта (2007), Смесни пешни (2014), Зообраќај (2014), Уловена смеа (2014), Пијана вселена (2014), Кујунџилаци (2015), Ветено вретено (2015).
Антологии: Книгата дно нема (2000), Веков е тркало (2007), Мисловно досие (2010).
Збирката Сакам книга е преведена и публикувана на 11 јазици: албански (Dua libër, 2006), турски (Kitap istiyorum, 2006), српски (Хо}у књигу, 2007), ромски (Mangava lil, 2007), влашки, аромански (Voi carti, 2007), бошњачки, босански (Volim knjigu, 2009), словенечки (Ljubim knjigo, 2009), хрватски (Zavolih knjigu, 2009), германски (Ich liebe das Buch, 2009), црногорски (Želim knjigu, 2010) и англиски јазик (I want a book, 2016).
Покрај над четириесетте награди на најразновидни литературни конкурси, Александар Кујунџиски ги има добиено наградата „Ванчо Николески“ на ДПМ за најдобра книга за деца, како и наградата „13 Ноември“ за неговото севкупно творештво.
Адреса: ул. „Ѓорѓи Пулевски“ бр.29, 1000 Скопје.
Тел. + 389 70 420-822
Последна измена: април 2022.
