Бранко Росиќ е роден во Белград. Свирел во култниот панк бенд Урбана герила, а подоцна и во електро групата Berliner Strasse. Соработувал во пишувањето на Лексиконот на YU митологијата и објавувал текстови во списанијата Playboy, Elle, L’Europeo, Cosmopolitan, Max, National Geographic, B92 Online, Fame. Заменик е на главниот уредник на списанието Недељник. Тој е дипломиран машински инженер. Својот прв роман, А толку добро почна, го објавил во 2015., а вториот, За утре најавуваат конечно разведрување, во 2018. Работел интервјуа со сите значајни личности од културата и поп културата на територијата на поранешна Југославија, но и неколку интервјуа со значајни личности на светскиот рокенрол, како што се Стивен Патрик Мориси (TheSmits), Ник Мејсон (Pink Floyd), Ијан Андерсон (Jethro Tull), Стив Хекет (Genesis), Шарлин Спитери (Texas), Ијан Гилан (Deep Purple), Жан-Жак Барнел (The Stranglers), Стивен ван Зант (Brice Springsteen’s & The Street Band), Силвио Данте во серијата Sopranos). Направил интервјуа со писателите: Тони Парсонс, Ханиф Курејши, Ирвин Велш, Фредерик Бегбеде, Ју Несбе, Тарик Али. Ги интервјуирал уметниците Јоко Оно и Грејсон Пери, како и модниот креатор Жан-Пол Готје. Тој е еден од првите српски музичари што дале интервју за прочуениoт англиски весник New Musical Express. Бил главен уредник на публикацијата на фестивалот Exit, 20 години на Exit активизмот. Тогашниот принц, а сега Кралот Чарлс, го нарекол принц, а на британскиот премиер Борис Џонсон му бил претставен како „панкер со маска на новинар. “Британската кралица Елизабета II го одликувала со Медал на Британската империја за исклучителен придонес во промовирањето и унапредувањето на културните врски меѓу Велика Британија и Србија.