Петар Стојановски е роден 8 април 1988 година во Скопје. Основно училиште завршил во „Партенија Зографски“, а средно во „Ѓорѓи Димитров“. Студирал на Катедрата за географија на Природно-математичкиот факултет. Желбата за пишување му се јавува на дваесет и две години, а девет години подоцна, во 2019 го објавува својот прв роман „Странец под Алпите“, издание на „Мартина“. Веднаш потоа, во временски период од десет месеци, го пишува својот втор роман, „Храмот на натписите“, кој го завршува во февруари 2020 година, еден месец пред да се прогласи светската пандемија од вирусот Ковид-19. Романот излегува од печат во 2021 година.