Дубравка Угрешиќ (1949 – 2023) била хрватска писателка, преведувачка, есеистка, филмска и телевизиска сценаристка. Дипломирала општа и компаративна книжевност и руска книжевност на Филозофскиот факултет во Загреб. Работела повеќе од дваесет години на Институтот за теорија на книжевноста. По распадот на Југославија и нејзината отворена критика кон националистичките политики, била изложена на јавен притисок и напади, поради што во 1993 година емигрирала и живеела во различни земји, најчесто во Холандија. Држела предавања на многу универзитети. Соработувала со неколку американски и европски литературни списанија. Освен белетристика, пишувала и есеи во кои проникливо ги анализирала темите на егзилот, идентитетот и улогата на книжевноста во современиот свет. Добитничка е на многу реномирани книжевни награди, меѓу кои и наградата „Роман на годината“ за 2018 година за романот „Лисица“.

Официјален сајт: https://www.dubravkaugresic.com/