Карен Шалер (1968) е американска писателка, сценаристка, новинарка и авторка на телевизиски емисии. Долги години работела како новинарка на Си-ен-ен, а како дописничка известувала од разни места во светот за медиуми како Еј-би-си, Ен-би-си, Си-би-ес и Фокс. Добитничка е на три награди „Еми“. Пишува сценарија за „Нетфликс“, „Халмарк“ и за „Лајфтајм“. Во моментов создава вистински животни искуства преку т.н. „божиќни кампови“. Сите приказни на Карен се инспиративни, полни со искрени емоции и надеж.