БИОГРАФИЈА / ОПИС

Ѕонгсар Џамјанг Кјенце Ринпоче познат и како Кјенце Ноирбу и Тубтен Чокји Гјамцо, е високо почитуван познавач на будизмот и учител од Риме (ретко е надвор од секташките поделби) на тибетскиот будизам. Покрај тоа, тој е и познат филмски режисер и автор на неколку книги, и е препознатлив по неговиот модерен , прогресивен, а понекогаш и провокативен пристап кон подучувањето на дармата. Роден е во Бутан во 1961, во семејство на просветлени учители, поети и мајстори на медитација. На петгодишна возраст е препознаен од страна на неговата светост Сакја Тризин како реинкарнација на Ѕонгсар Џамјанг Чокји Лодро, кој, пак, е еманација на големиот тибетскиот учител од19 век Џамјанг Кјенце Вангпо. Називот, титулата „Кјенце“, која често се разбира и се користи како синоним за движењето Риме, е кованица од два тибетски збора, „кјен“ и „це“,со значење „мудрост“ и „сочувство“. Во 1968 година е испратен во централниот манастир Сиким на строго и темелно изучување на филозофијата и на ритуалите, каде што учењата ги прима од некоју од најголемите авторитети и учители на тибетскиот будизам на нашето време меѓу кои се вбројуваат Неговата светост Кјабџи Дудџом Ринпоче и Лама Сонам Зангпо (кои се негови дедовци, едниот од таткова, а другиот од мајчина), Неговата светостШеснаесеттиот Кармапа, неговиот главен учител, неговата светост Кјабџи Дилго Кјенце Ринпоче,Неговата светост Сакја Тризин и многу други. Потоа ги продолжува студиите по Будистичка филозофија и теорија во колеџот Сакја во Дерадун, Индија, каде што се стекнува со дополнителни Ваџрајана увиди, овластување и укази од многу почитувани просветлени медитатори и учители. Во моментов, под негово туторство и закрила3 000 монаси во неколку монашки институции во Азија: манастирот „Ѕонгсар“ и колеџот „Ѕонгсар“ во Дерге, Сичуан, во Кина ; институтот „Ѕонгсар Џамјанг Чокји Лодро“во Чаундра, Химачал Прадеш, во Индија; и институтот за будистички студии „Чокји Гјатсо“ во Деватанг, во Бутан.Покрај на припадниците на монашката заедница, Ѕонгсар Џамјанг Кјенце Ринпоче  им е учител и на стотици илјади ученици во околу 40 земји низ светот. Како книжевен и филмски автор и познат добротвор, неговите многубројни креативни и филантропски напори ги надминуваат традиционалните преку постајно растечка мандала на активности. Покрај фондацијата „Кјенце“, преку која ја имплементира својата визија за соочување и промовирање на мудроста на Буда, мандалата од активности зад кои стои Кјенце вклучува и уште неколку други организации. Siddhartha’s Intent се фокусира на подготовки, снимања и архивирања на многу од подучувањата и активностите Ѕонгсар Кјенце Ринпоче.84000: Translating the Words of the Buddha е изданок на фондацијата Кјенце и претставува независна организација посветена на преведување на учењата на Буда на модерните јазици.  Lotus Outreach им дава пристап на жени и деца во Канбоџа и во Индија, изложени на ризик, до образование и здравствена нега и заштита. Middle Way Education  се фокусира на сите нешта поврзани со будистичката наобразба за деца. Следејќи ги стапките на големите учители пред него, Ринпоче е зрак светлина за оние што трагаат по вистината. Како  „Кјенце“ во буквалната смисла на зборот, Римпоче е отелотворување на мудрост и сочувство на дело.