Ги претставуваме финалистите за наградата „Драги“ 2026: Ели Пујовска

Ги претставуваме петте преведувачи кои влегоа во потесниот круг во изборот за најдобар литературен превод за наградата „Драги“ – 2026 година. Ели Пујовска е номиниранa за наградата со препевот од холандски јазик на „Златен венец – одбрани песни од Анеке Брасинга“, издание на „Струшки вечери на поезијата“, 2026 година.

Кратка биографија на преведувачот

Ели Пујовска, родена во 1971 година, е професионален преведувач на книжевни дела од холандски и фламански јазик, со повеќе од деведесет преведени дела на македонски јазик. Меѓу авторите што ги има преведувано се Коуперус, Де Ком, Спиноза, Херман Кох, Грунберг, Сеис Нотебом и многу други.

Пујовска е и уредник во Издавачката куќа АНКХ, со повеќе од петнаесетгодишно професионално искуство како акредитиран преведувач во холандската фондација за книжевност Nederlands Letterenfonds.

Добитник е на наградата „Златно перо“ за најдобар превод на годината за книгата „Розата и вепарот“ од Ане Провоуст – дело инспирирано од оригиналната верзија на „Убавицата и ѕверот“ на Џанфранческо Страпарола од 16 век, а засновано и врз книгата на француската авторка Жан-Мари Лепренс де Бомон, објавена во 1756 година.

Била член на комисијата за „ВАВИЛОН“ – наградата за најдобар млад преведувач (2018), како и ментор во студентската резиденција за книжевен превод (2026).

Номинирана е за наградата „Драги“ за најдобар книжевен превод на македонски јазик во 2025 и 2026 година.

Учествувала и во голем број проекти за книжевен превод реализирани со поддршка на програмата „Креативна Европа“ на Европската Унија.

Изборот поезија од „Златен венец – одбрани песни од Анеке Брасинга“ можете да го проследите во првиот македонски специјализиран месечник за култура и уметност, односно креација и рекреација – reper.net.mk, или на следниот ЛИНК.