Нема производи.

Mиле Томов, комерција

Mиле Томов, комерција

 

 

1.

Совршената дадилка – Лејла Слимани

Одличен психолошки трилер што ќе ви го задржи вниманието докрај иако уште од самиот почеток знаеме кој го извршува злосторството. Сепак, убавината на оваа книга лежи не толку во самата динамика, колку во длабоката психолошка анализа на ликовите. Поттикнува на размислување и ќе ве натера да се запрашате: Колку добро ги познаваме блиските и луѓето околу нас?

 

2.

Куќата на џамијата – Кадер Абдолах

Историски роман од перото на врвен ирански писател, кој ткае богата и сложена приказна за многу ликови што живеат во Куќата на џамијата во едно немирно време во Иран. Паралелно со рушењето на конзервативниот систем во Иран, се менуваат животите на сите дотогаш угледни жители во куќата. Следејќи ги промените во општеството и нивното влијание врз животите на ликовите, патуваме низ просторот и времето станувајќи и самите сведоци на модерното и традиционалното во Иран во XX век.

 

3.

Атомски навики – Џејмс Клир

Практична и корисна, ова е книга што на еден едноставен, но не и сувопарен начин посочува на алатки за менување на старите и за имплементирање нови навики. Според Клир, клучот лежи во „атомските“ навики, т.е. сите оние мали (микро) промени што по некое време доведуваат до „макро“ трансформации. Иако се напишани многу книги на оваа тема, моќта на оваа книга лежи токму во едноставниот систем на Клир и разбирливиот и непосреден јазик на презентирање на една многу важна тема. Ако човекот е  суштество изградено од навики, зошто да не се потрудиме да внесеме и да негуваме здрави и добри навики?! Доколку сакате да внесете позитивни промени во своето однесување и во животот воопшто, ова е книгата за вас!

4.

Невидливиот чувар – Долорес Редондо

Ова е напнат крими-трилер и одличен почеток на хит серијалот книги „Бастанска трилогија“. Суров убиец се движи низ Елисондо, убивајќи млади девојки. Тој ги задушува и ги остава голи во шумата, што ја наведува полицијата да верува дека станува збор за ритуални убиства. Но која е побудата? Кој е мотивот? Кој е виновен за овие грозоморни убиства? Упорната инспекторка Амаја Саласар „е на случајот“ и е решена да стави крај на овие злосторства. Напнат и неизвесен до самиот крај, ова е трилер што ќе ве „навлече“ на пишувањето на Редондо и ќе ве натера веднаш да се „фрлите“ на читање на продолжението „Заветот на коските“.

 

5.

Смртоносна терапија – Зигмунт Милошевски

Дали барањето помош може да се покаже погубно? Еден викенд… една групна психотерапија… една жртва. Она што требаше да се покаже како корисна и исцелувачка сеанса завршува со брутално убиство на пациентот Хенрик Телак. Кој би можел да биде убиецот? Државниот обвинител Теодор Шацки е задолжен да го најде виновникот. Но за тоа ќе му бидат потребни многу истражувања низ „темните тунели“ во животите на сведоците. Ова е трилер што ќе си поигра со вашиот ум и ќе ве држи „залепен“ за неговите страници до последниот ред.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram