Нема производи.

Моќни женски приказни за силни и самоуверени жени

  /  #bookworm   /  Моќни женски приказни за силни и самоуверени жени

Моќни женски приказни за силни и самоуверени жени

 

 

„Доколку сакате нешто да се каже, побарајте го тоа од маж. Доколку сакате нешто да се направи, побарајте го тоа од жена.“ Ова пред многу години го кажала челичната леди – Маргарет Тачер.

Како по обичај, во март многу се зборува за жените, за оние храбри и самоуверени дами што го промениле светот, кои оставиле легенди зад себе, кои со своите дела ја испишале историјата.

Покажете дека ги цените и ги почитувате, а не само дека ги сакате. Ви предлагаме избор од неколку моќни женски приказни како совршен подарок за секоја жена.

 

„Последната девојка“ – Надија Мурад

Од добитничката на Нобеловата награда за мир за 2018 година.

„Сакам да ги погледнам во очи луѓето што ме малтретираа и да ги видам изнесени пред лицето на правдата. Повеќе од што било друго сакам да бидам последната девојка во светот со ваква приказна.“ Ова е трогателна исповед на некогашна заробеничка на Исламската Држава, инспиративна животна приказна за храбра девојка што одбила да молчи.

 

„Војната нема женско лице,“ – Светлана Алексиевич

Од добитничката на Нобеловата награда за литература за 2015 година.

Ова е приказна за жените во текот на војната. За време на Втората светска војна, околу еден милион жени се бореле на страната на Црвената армија, но за нив никогаш ништо не се пишува. Оваа книга ги собира на едно место спомените на стотици жени – снајперистки, тенкистки, болничарки. Овие жени – повеќето првпат во својот живот – ја раскажуваат нехеројската страна на војната, која најчесто не е присутна во сеќавањата на ветераните.

 

 

„Женски декамерон“ – Јулија Вознесенскаја

„Женски декамерон“ е книга за десет млади советски жени, кои ќе се најдат во исто породилиште во Ленинград, во период кога во таа установа е воведен карантин. Тие ќе мораат да поминат таму уште десет дена, нешто што, секако, воопшто не ги радува. Тогаш на едната од нив ѝ текнува да ја повтори приказната што прв ја раскажал фирентинскиот писател Бокачо; имено, за време на десетте дена да се забавуваат раскажувајќи си приказни за животот, за мажите, за љубовта, за љубомората, за неверствата, за заведувањето, за фарсичниот секс, за парите, за среќата и за многу други нешта што ја возбудуваат секоја женска душа, вклучително и руската.

 

 

„Модар накит“ – Катарина Винклер

Базиран на вистински настани, овој роман е одраз на една вистинска ситуација преземена од денешнината. Во рамките на оваа потресна приказна за семејното насилство, метафората на „модриот накит“ дејствува впечатливо и моќно.

Брутално, искрено, сурово. Книга што не ве остава рамнодушни. И не е ова уште еден роман за семејно насилство. Ова е искрено сведоштво од животот што секој ден се случува и се повторува овде, таму, секаде на земјава.

 

 

 

„Гала – Дали“ – Кармен Доминго

 

Во центарот на вниманието е една од најинтригантните жени во историјата на уметноста: Гала Дали. Гала доаѓа во Европа од царска Русија, а за неа се шири гласот дека умее да го извлече најдоброто од мажите. Салвадор Дали имал 25 години кога ја запознал – таа 11 години повеќе од него. Тоа не било пречка Гала да стане најголемата љубов на Дали. И не само што станала единствената жена во неговиот живот туку и била негова ултимативна инспирација.

Оваа книга е за нивната бурна врска.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram