Опис
Еден човек, кој себеси се нарекува „Опишувач“, живее скромно и без амбиции – но со страст да опишува сè: од природни пејзажи и ѕидни графити, до љубовни мигови и туѓи судбини.
Неговата мисија е да го запише светот како што го гледа, да го зграпчи мигот пред да исчезне, да го претвори во зборови она што сликите не можат да го кажат. Со иронија и суптилна меланхолија, приказната нè води низ исповедта на еден лик кој ја бара вистината – а таа, како светлината во водата, постојано се измолкнува.
Духовита и продорна алегорија за уметноста, вистината и илузиите, за опасната привлечност на туѓите животи и за прашањето – дали воопшто е можно објективно да се опише светот, кога секој опис неизбежно ја носи и сенката на оној што го создава. Роман за (не)моќта на зборот, за човечката потреба да се биде забележан, и за магијата на деталот што може да открие повеќе од илјада фотографии.
„Опишувач“е добитник на наградата „Стале Попов“ на Друштвото на писателите на Македонија за најдобра прозна книга за 2001 година.
Рецензии
Сѐ уште нема мислења