Рецензија од прв читател: Александра за „Божиќ засекогаш“ од Карен Шалер

 

 

Авторката Карен Шарел е книжевна волшебничка позната по нејзиното мајсторство во пишување романи со божиќна тема кои ги пленат срцата на читателите. Со магичен допир, таа плете приказни кои ги пренесуваат читателите во празничните земји на чудата, каде што духот на Божиќ танцува низ секоја страница. Умешноста на раскажувањето приказни на Шарел влева топлина и веселба во нејзините наративи, создавајќи прекрасна теписерија на забава и фасцинација. Нејзините романи се совршен спој на шарм и веселба, поканувајќи ги читателите да тргнат на волшебни патувања исполнети со смеа, љубов и безвременската магија на празничната сезона.

Ако сте и вие љубители на романи со божиќни теми, сигурна сум дека „Божиќ засекогаш“ ќе ви биде на врвот омилени книги бидејќи има сè што треба да поседува еден божиќен роман. Додека го читате ви создава пријатно бегство во светот каде што владее празнична магија. Волшебната приказна на Шалер е исполнета со прекрасни снежни пејсажи и магична зимска идила. Има лесен и лежерен стил за читање и прави секој читател вистински да ужива на секоја страница. Поттикнува посебни чувства на љубов и топлина. Приказната е забавна и полна со интересни и непредвидливи случки.

Може ли да си замислите како ве буди будилник во форма на Дедо Мраз кој ви пее на уво: „Хо!Хо!Хо! Време е да станеш, денот почнува.“ Или, пак, да спиете во кревет кој е во форма на дедомразовска сенка, а над него знак на кој пишува Секогаш имај верба. Едно е сигурно, јас сигурно би уживала и би се восхитувала во секој можен детаљ, но тоа не важи и за младата писателка Рајли Рејнолд.

По убедување на нејзиниот продуцент, Рајли е принудена да прифати да биде дел од божиќен камп во колибата „Божиќно езеро“. Но Рајли не може да го доживее Божиќ бидејќи во минатото и се случува нешто болно и поради тоа таа се затвора во себеси и не му дозволува на Божиќ и магијата што ја има празникот да допре до нејзе.

Но колку и да се чувствува дека не може да ја прифати божиќната атмосфера самата локација, луѓето кои се дел од божиќниот камп и традицијата која ја применуваат секоја годинаа се причина Рајли да почне да го доживува Божиќ…

 

Божиќ – време кога сите сме заслепени од волшебноста. Нашите срца се исполнуваат со посебна топлина, а љубовта изобилува во огромна количина. Тоа е време кога сè е можно, сезона проткаена со магијата на остварувањето на соништата. За Божиќ сѐ е можно.

Овој роман е сѐ што треба да поседува еден божиќен роман. Полн со празнични мотиви, извонредни описи, лесен и лежерен стил на читање, секоја страница е извор на чисто уживање.

Желби! Вербата и надежта се суштински за остварување на божиќните желби.

Искра! Искрата што Рајли ја бара и посакува, ја најде на прв поглед, допир и насмевка…

Ќебе. Мојот идеален Божиќ е божиќна класична музика, книга со божиќна тематика, топло чоколадо и секако ќебе со божиќни мотиви.

Засекогаш нека ви биде Божиќ еден од вашите најомилени и најценети периоди во годината.

Амбиент. Божиќната атмосфера, украсена со дрво осветлено со лампиони, шарени светлечки и празнични украси…

Сакање. Љубов. Топлина. Прегратки. Насмевски. Радост. Смеење. Дарување. Сите овие зборови се синоними на Божиќ.

Елка. Елката е традиционален и заштитен знак за Божиќ, зрачи со енергија и радост претворајќи нè во деца дури и кога ќе станеме возрасни.

Комет. Преслатко куче со раса на бернардинец, кое во романот посебно ќе ви го стопи срцето.

Облека. Топла облека, шалче, капче, ракавици, капут и чизми како оние на Јети.

Готвење. Божиќ е период кога се готви,  период за вкусување на највкусните јадења како што се ролатчиња со боровинки со цимет од Божиќното езеро, или, пак, ѓумбирови ХО-ХО колачиња.

Активности или традиции. Секое семејство си има свои божиќни традиции.

Шетање. Прекрасно е да се шетате низ снежните врнежи на Божиќното езеро, правејќи снешко, создавајќи снежни ангели или шетајќи се и уживајќи во прекрасната зимска идила.

 

Пишува: Александра Крстевска