Рецензија од прв читател: Јасмина за „Помеѓу“ од Кристина Гавран

 

 

Потребна ни е промена!
Потребно ни е да се почувствуваме живи и дека конечно нашиот живот има некоја смисла. Овие мисли сигурно ни се свртиле нам на повеќето, балканците, а Кристина Гавран одлично тоа го испишала на хартија. Оваа приказна ќе ви биде блиска на сите. Затоа што сите сме помислиле барем еднаш „А што би било, кога би било.“ И не само тоа!
Туку и одблиску да видиме и конечно да прифатиме дека не е се така како што изгледа и ни е претставено.Како изгледа? Или како нашите ни го прикажуваат имигрантскиот живот. А, како навистина изгледа?

„Сите ние сме мигранти. Тука тргнуваме од нула. Но, нема врска, еден ден ќе им биде подобро на нашите деца.“ Тоа некој си го сфаќа побрзо и го признава. А некој пробува да се затскрие и да прикаже приказна како Европа е сјајна и бајка. Жртвата е голема за Марко и Сандра, но сакаат да постигнат нешто во својот живот. Ако не за себе, тогаш за нивното поколение, нив да им биде поедноставна иднината. Родителот секогаш ќе биде жртва за своето чедо!

Бирмингем, Велика Британија е градот кој го избираат за „почеток“ на нивниот заеднички живот. Почеток на остварување на своите желби и соништа. Прв заминува Марко, а подоцна му се придружува и неговата сопруга Сандра. Дејството на приказната е во периодот од 2011 до 2022 година. Релација Бирмингем, Загреб и животните патишта испреплетени помеѓу себе.
Помеѓу сонот и јавето.
Помеѓу реалноста и фантазијата.
Помеѓу вистината и практичноста.

Ајде вистински конечно да ги слушнеме приказните, на тие кои заминале, од страна на сите нас кој сме во план за заминување, на сите нас кој сме останале во нашата татковина.Кој еднаш прочитал книга на Кристина Гавран, секоја наредна ќе ја посака во своите раце.

 

Пишува: Јасмина Боческа