Граѓаните на Торонто, главниот град на канадската држава Онтарио, имале прилика да бидат дел од еден од најзабавните моменти на поврзаност помеѓу литературата и уличната култура во поновата историја. Улица полна со книги. Начин да се запре сообраќајната врева барем за момент.

Оваа интересна појава се случила за време на градскиот уметнички фестивал „Нуит Бланш“ во 2016-та година. Имено, уметничката анонимна група „Лузинтеруптус“ од Мадрид, Шпанија, која организира уметнички изложби и акти посветени за поткревање свесност и мотивација кај посетителите е главниот виновник за оваа појава.

Идејата на групата била, барем за момент, книгите да го запрат сообраќајот, па една цела улица била наполнета со донирани книги. На улицата имало околу 10 000 книги.Посетителите можеле да се доближат до книгите, да ги фотографираат, но и да светат врз нив. Светлата врз книгите ги означувале светлата од електричните уреди кои се почесто ги заменуваат кигите како главно средство за забава.
По завршување на поставката, на посетителите им било дозволено бесплатно да си земат по една книга која им се допаднала. Поминале околу 10 часа пред на улицата да останат само неколку книги и целата инсталација да биде растурена од своите посетители.