Валентина Кујунџиска, финансиски раководител

 

 

1.

Америка – Жарко Кујунџиски
Во една реченица, затоа што ми е љубов во секоја смисла на зборот.

 

2.

Живот за живот – Фредрик Бакман
Викаат дека животот е најважното нешто за секој од нас. Но ако тој живот го поминеш со погрешни цели, во еден момент сите нешта може да добијат поинаква смисла. И одеднаш да се смени скалата на вредности и приоритети.

 

3.

Свила – Алесандро Барико
Мала книга за која може многу да се зборува. Љубовта знае да има различни варијанти. Но се чини најмагична е кога е покриена со велот на мистеријата. Тогаш стотици километри стануваат пократки од неколку чекори.

4.

Мајчино млеко – Нора Икстена
Да се биде жена а притоа и мајка не е воопшто лесно. Тоа не се улоги што треба да се одиграат, туку процес што може да биде колку убав толку и замрсен. Приказната е поставена во историска позадина, така што притисокот што ликовите го чувствуват како личности станува уште поголем под суровите општествени околности.

 

5.

Невидливиот чувар – Долорес Редондо
Идеална книга за овие денови на карантин. Инспекторката Амаја Саласар штотуку се вратила во своето родно место по години и години осуство. Ја чека соочување со жртвите на еден сериски убиец, но и со своето минато. Во романот се испреплетени и многу локални суеверија и легенди што го прават ова дело многу оригинално и интересно за читање.