Нема производи.

2 април, светски ден на литературата за деца!

  /  Детско катче   /  2 април, светски ден на литературата за деца!

2 април, светски ден на литературата за деца!

 

 

Исклучете ги компјутерите и земете книга – денеска е светски ден на литературата за деца!

 

Денот на литературата за деца за првпат бил прославен во 1967, а оттогаш секоја година во светот се одбележува на 2 април за да се промовира љубовта кон читањето кај децата и да се нагласи важноста на книгите.

 

Датумот го означува роденденот на Ханс Кристијан Андерсен, прочуениот дански автор, познат по делата како „Грдото пајче“, „Малата сирена“, „Девојчето со кибритчиња“ и многу други.

 

Настанот го промовира Меѓународниот одбор за книжевност за деца, кој секоја година има посебна тема и порака. Пораката за 2022 година е „Приказните се крилјата со чија помош секојдневно се вивнувате во светот на фантазијата“. Темата ја прикажува моќта на книгите за деца да ги прошират хоризонтите, да ја развијат имагинацијата и да изградат разбирање.

 

Децата имаат огромно влијание врз светот на издаваштвото, а според анкетите, повеќе од половина од младите читаат само по десет книги годишно. Најдобро продавани книги за деца на сите времиња се „Хобит“, „Пајажината на Климентина“, „Хари Потер“ и „Игра на гладните“.

 

Но и светот на издаваштвото има еднакво големо влијание врз децата. Читањето од забава може да ги подобри оценките на едно дете.

 

Литературата за деца вклучува приказни, книги и песни што се наменети за деца и во кои тие можат да уживаат. Модерната литература за деца се класифицира на два начина – по жанр или по возраст. Крајот на деветнаесеттиот и почетокот на дваесеттиот век се познати како „златните години за литературата за деца“, со издавањето на огромен број книги што денес важат за класици.

 

Учествувајте во нашите месечни активности и предизвици и учете ги децата да читаат уште од најмала возраст.

 

Го прославуваме овој ден на литературата за деца и споделуваме со вас неколку цитати за читањето:

 

„Денес читател, утре лидер.“ — Маргарет Фулер

 

„Има толку многу начини да го проширите светот на своите деца. Љубовта кон книгите е најдобриот начин.“ — Џаклин Кенеди Онасис

 

„Ако не уживате да ја прочитате истата книга одново и одново и одново, нема потреба воопшто да ја читате.“ ― Оскар Вајлд

 

„Секоја книга што му помага на едно дете да оформи навика за читање, да го направи читањето една длабока и континуирана потреба, е добра за него.“ — Маја Анџелоу

 

„Колку повеќе читате, толку повеќе знаете. Колку повеќе учите, толку повеќе места можете да посетите.“ — Д-р Сус

 

„Секогаш замислував дека рајот е некаква библиотека.“ — Хорхе Луис Борхес

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram