Елиф Јемениџи е турска илустраторка и авторка на книги за деца и млади. Родена е во Ескишехир. Дипломирала на Универзитетот Анадолу, Факултет за ликовни уметности, на катедрата за печатење и комуникација и на катедрата за кино и телевизија. По завршувањето на студиите илустрирала повеќе од 80 книги за деца. Во исто време, има напишано и илустрирано повеќе од 300 раскази за списанија за деца. Освен дела од областа на литературата за деца, изработува и дела од визуелните уметности во најразлични други области. Учествувала на разни изложби во Турција и во странство.