Сјон повторно на филмското платно

 

 

Исландскиот писател Сјон, од кого на македонски во издание на „Антолог“ се објавени три книги – „Сината лисица“, „Од устата на китот“ и „Пченкарнозлатна коса, сиви очи“, и кој годинава беше гостин во Скопје на седмото издание на Фестивалот на европската литература „BookStar“, повторно ќе соработува со пејачката Бјорк и со други светски ѕвезди за филмот „Северен човек“ (The Northman).

Сјон е косценарист за епската драма што го следи младиот викиншки принц што тргнува во одмазда на убиството на својот татко. Режисер и сценарист на филмот е Роберт Егерс, а актерската екипа вклучува големи филмски имиња како Никол Кидман, Ања Тејлор Џон, Итан Хоук, Вилем Дефо и Бјорк.

Во продолжение погледнете го трејлерот за филмот, чија премиера е најавена за 8 април 2022 година.