Камила Лекберг (1974) е шведска бестселер писателка позната по своите брилијантни современи психолошки трилери. Родена е во Фјелбака, мало рибарско место на север од Гетеборг. Дипломирала на Економскиот универзитет, а потоа се преселила во Стокхолм, каде што работела како економист. Се пробива со своето деби „Ледената принцеза“ во 2003 година, кое наидува на одлични реакции. Оттогаш Лакберг стана една од најпознатите и најнаградувани шведски автори чии книги се продадени во над 26 милиони примероци во повеќе од 60 земји и се преведени во повеќе од 40 јазици.

Таа тврди дека нејзината фасцинација за криминалистички трилери ја открила уште во нејзините млади години во домашната библиотека на татко ѝ. Нејзините книги се познати поради длабоката карактеризација на ликовите. Некои ја нарекуваат и „шведската Агата Кристи“. Живее во предградието на Стокхолм со својот сопруг Мартин и со своите три деца.