Нема производи.

Анде Јанков: Моментално го пишувам мојот петти роман

  /  Интервјуа   /  Анде Јанков: Моментално го пишувам мојот петти роман

Анде Јанков: Моментално го пишувам мојот петти роман

  1. Покрај тоа што вашата книга доживеа ново издание, какви други успеси ви има донесено во периодот од првото издание досега?

Ми претставува огромно задоволство што првиот дел од серијалот за Виктор Николов, Виенски гамбит доживува трето издание, што само го потврдува интересот за оваа книга, кој што беше присутен од самиот старт на нејзиното издавање. Одличните рецензии на книжевните групи на фејсбук и на Goodreads беа мотив повеќе да продолжам со пишување.

  1. Како сте задоволни од вашата соработка со „Антолог“ и колку сметате дека соработката со одредена издавачка куќа е важна за успехот на едно дело?

Издавачката куќа Антолог застана смело позади овој серијал, што само по себе говори позади визионерскиот дух и односот кон жанровската книжевност на нашите простори. Без тесна соработка помеѓу писател и издавач, шансите за издавање на квалитетен конечен продукт на пазарот драстично се намалуваат.

  1. Дали моментално пишувате и што ново да очекуваме од вас во блиска иднина?

Моментално го пишувам мојот петти роман, односно четвртиот дел од серијалот кој почна со Виенски гамбит. Се надевам дека најдоцна до понаредната година истиот ќе се најде во рацете на македонските читатели.

  1. Дали имате омилен лик од вашите книги и дали би можеле да го поминете животот во негово друштво (таков каков што сте го створиле)?

Тешко е да се одбере барем еден, но доколку мора, тоа би бил братот на главниот лик, писателот Даниел Николов.

  1. Некои велат дека добар писател е 90% добар читател. Дали се согласувате со оваа изјава и доколку е така, кои автори имале најголемо влијание врз вас како писател?

Дефинитивно. Постојаното читање на нови дела само дополнително го рафинира и изострува писателскиот стил. Па така, и јас се трудам да сум во тек со новите трендови на современата криминалистичка литература. Од влијание, би ги издвоил водечките скандинавски крими автори, како и некои филозофи од средината на дваесеттиот век.

  1. Што сте кога не сте писател/ка?

Кога не пишувам, се трудам моите приказни да допрат до крајните консументи и преку други медиуми, а слободното време најчесто го поминувам или патувајќи, или правејќи активности кои физички ме исполнуваат. Зад мене се и три сезони од подкастот за домашни автори, кој за кратко време прерасна во водечки книжевен подкаст.

  1. Овој разговор е во склоп на акцијата ЛЕТО СО МАКЕДОНСКИ АВТОРИ која трае од 11 до 22 јули. Нашата заедничка цел е секој читател во својот список „книги за на одмор“ да вклучи и дела од македонски писатели. Но која книга вие би им ја препорачале на нашите и ваши читатели да ја понесат со себе ова лето?

Моја препорака до читателите, доколку читаат на плажа, е да понесат нешто од Елен Хилдебранд. Од македонските автори пак, во летните периоди секогаш сакам да ги читам делата на Ана Јовковска.

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram