Адел Фејбер и Илејн Мазлиш се меѓународно познати и признати стручни лица во доменот на комуникацијата меѓу возрасните и децата. Тие веќе ја имаат придобиено и благодарноста на родителите и охрабрувањето од луѓето од фелата. Нивната прва книга, „Ослободени родители/ослободени деца“, е добитник на наградата „Кристофер“ за „литературни достигнувања коишто ги афирмираат највисоките вредности на човековиот дух.“ Книгите коишто излегуваат потоа, „Како да зборувате за децата да слушаат и како да слушате за децата да зборуваат“ и бестселерот на „Њујорк Тајмс“, „Браќа и сестри без ривалство“, се продадени во повеќе од четири милиони примероци и преведени се на повеќе од триесет јазици. „Како да зборувате за децата да можат да учат: и дома и на училиште“ од страна на списанието „Чајлд“ е наречена „најдобрата книга за тековнава година кога се работи за достигнувањата во семејните аспекти поврзани со образованието“. Работилниците и видеоматеријалите зад коишто стојат овие авторки се користат од илјадници групи сочинети од родители и од наставници, а за цел го имаат подобрувањето на врските и на односите со децата. Нивната најнова книга, „Како да зборувате за тинејџерите да слушаат и како да слушате за тинејџерите да зборуваат“, се занимава со нималку лесните проблеми на тинејџерските години. Двете авторки се ученички на сега веќе починатиот детски психолог д-р Хаим Гинот и се поранешни членки на Новата школа за општествени истражувања во Њујорк и на институтот „Фемили Лајф“ при Универзитетот на Лонг Ајланд. Покрај нивните чести гостувања и одржани работилници низ САД, Канада и во странство, авторките биле гостински во сите најгледани телевизиски емисии, од „Опра“ до „Добро утро, Америка“. Во моментов живеат на Лонг Ајленд, во Њујорк. Двете се мајки и имаат по три деца.