Мајкл А. Сингер е автор на светски познатата „Незаробената душа“, книга која е издадена во Турција, Бразил, Швајцарија, Шпанија, Јапонија, Кина, Холандија, Данска, Финска, Полска, Италија и во Македонија. Сингер во 1971 година магистрирал економија на Универзитетот на Флорида. Додека ја пишувал докторската теза, му се случило длабоко внатрешно будење, по што се повлекол во осаменост каде што се фокусирал врз јогата и врз медитацијата. Во 1975 година го основал Храмот на универзумот, сега веќе одамна етаблиран центар за јога и за медитација, каде луѓето од сите верски припадности и со сите различни убедувања се среќаваат за да доживеат внатрешен мир. Сингер низ годините остварил значајни придонеси во областите на уметноста, образованието, здравствената заштита и заштитата на животната средина. Автор е и на две книги на тема интегрирање на источната и западната филозофија: „Потрага по вистината“ и „Три есеи за законот на универзумот: карма, волја и љубов“.