Џорџ Орвел (1903-1950) е псевдоним на британскиот писател Ерик Артур Блер. Роден е во Индија. Еден од најголемите автори на XX век, кој оставил трајна трага во книжевноста. Работел како пристаништен работник, учител, книжар. Објавил голем број статии во весници и во списанија, бил литературен уредник, политички и книжевен коментатор. Запаметен е по фасцинантната интелигенција и остроумност, длабоката свесност за социјалната неправда, тоталитаризмот, страста за јасност на јазикот и вербата во демократскиот социјализам.