Сузан Сонтаг (1933-2004)  е американска писателка, режисерка, филозофка, професорка и активистка. Главно пишувала есеи, но објавувала и романи. Своето прво поголемо дело го објавила во 1964 година. Активно пишувала и говорела за конфликтните подрачја и проблемите со нив, како што се Виетнамската војна и опсадата на Сараево, на пример. Нејзините есеи за фотографијата, културата и медиумите, сидата и болестите, човековите права, комунизмот и левичарската идеологија се сметаат за контроверзни, а таа е опишувана како „еден од најострите критичари на генерацијата“. Добитничка е на многу меѓународни награди и признанија.

Овдешните два есеи се преведени на многу јазици и продолжуваат да вршат огромно влијание врз размислувањето на медицинските професионалци и, пред сè, врз животот на многу илјадници пациенти и негуватели.