Нема производи.

„Детето и китот“ – Кога осаменоста е само избор

  /  Детско катче   /  „Детето и китот“ – Кога осаменоста е само избор

„Детето и китот“ – Кога осаменоста е само избор

 

 

„Секој обид на детето да се доближи до природата е негов чекор кон љубовта.“

 

Линде Фас импонира со своите детски изданија во кои главниот разглас го има осаменоста и нејзиниот антоним. На сликовит начин раскажува дека зборовите не се исто што и емоции, но емоциите се најjасните патокази. Често, децата зборуваат преку погледи и допири, преку повлекување во својата школка или преку пренагласување на агресијата. Особено важно е возрасните да ги распознаат ваквите ненадејни промени во расположението, да се описменат преку емотивниот речник од пред децении, тогаш кога и самите биле деца.

 

Кога детето ќе почувствува буица на негативни емоции, вообичаено спасот го бара надвор од себе, во некое пријателче или милениче. Децата за разлика од возрасните, не се водат по механизмот на стигмата, па за нив ова пријателче може да биде ситно колку мравка или големо колку кит. Така Линде Фас го осовременува езопистичкиот мит во модерна бајка, Самоил е Пинокио, кој е проголтан од китот но само во преносна смисла. Тој е проголтан од безграничноста на другарувањето, на поимот за припаѓање, затоа што една детска душа не припаѓа само на едно тело, туку таа е шарена енергија распространета наоколу, која што ќе допре обојува. Таквата душа дава несебично и гради дом каде ѝ е најтопло, во прегратките на пријателството.

Букварот на осаменоста на Линде Фас не разработува единствено необична приказна, туку и преку илустрациите ги предизвикува силните детски впечатоци, темните и ладни тонови, кои со напредувањето на приказната го менуваат и својот интензитет, стануваат посилни и поизразени.

Сликовница за суптилните нијанси на детството, на среќните мигови од кои се расте со голема поука – детството е такво како ќе го обликуваш во своите мисли.

 

Игра 1- Бротчето плови по…

Ова е одлична семејна игра со која детето ќе се забавува и надвор од дома, особено на долго патување во автомобил. Родителот ја започнува играта со „Бротчето плови по мирни води“, по што детето мора да молчи една минута, сѐ додека не добие дозвола да зборува. Кога ќе кажете „Бротчето плови по немирни води“ детето има дозвола една минута да изведе рефрен од некоја песна или да изрецитира стихотворба.

Преку оваа навидум едноставна игра се воспоставуваат границите на детското его и возрасното јас, но и на слободата, која е издувен вентил, па така на детето му се покажува до каде смее да оди со нетрпеливоста,  се учи авторитетот, кој не мора секогаш да биде наметнат, туку може да има и забавен карактер.

 

 

Игра 2- Заокружи ги буквите Д и К во даден текст

Препознавањето на буквите од најрана возраст, покрај што е одлична основа и припрема за школските клупи, е и можност да се разликува и воочи подоцнежниот проблем со дисграфијата и дислексијата.

На детето зададете му го следниот текст. Оваа игра е поволна за деца над 4 години. И иако на оваа возраст детето сѐ уште не знае самостојно и целовито да пишува, преку исечоците учи да ги распознава буквите дадени во низа.

„Детето копнееше по другарчето од водата. Вака се чувствуваше осамено и тажно. Кога повторно ќе се сретнат? Или китот веќе заборавил на Самоил, Самоил кој е среќен кога плови на неговиот грб и се смее кога морското животно плиска со перката во водата?“

 

Игра 3- Звучни парови

Поимот за ритам и рима, најдобро се вежба преку овој едноставен приказ. Сѐ што ви треба е една табла и креда. Вие на детето му диктирате збор, а детето ја запишува буквата, која при изговорот ја нагласувате. На пример: враПче, леБ, граД, глаД и слично… Оваа низа на согласки може да ја искористите за да го начнете и поимот за рима, па да ги споредите град и плоштад, на пример, и да го охрабрите детето да продолжи понатаму со свои примери.

Напомена – Играта се однесува на деца на школска возраст.

 

Игра 4-Оригами спелување

Покрај вештите раце на родителот, оваа игра ќе го натера детето да размислува во повеќе насоки. Сигурно и самите сте ја играле во детството, а се состои во превиткување на лист хартија сѐ додека не се добие следната форма.

 

 

 

 

 

 

 

 

 

 

 

(Слика 1)

Оваа игра ја прилагодивме за две возрасни групи- деца на 4 и 5 годишна возраст, и деца кои веќе посетуваат училиште. Од детето се бара да избере помеѓу четирите понудени- кит, дете, остров и вода. Од внатрешната страна се напишани осум бои под кои се отвора поле со предизвик. Предизвиците се следни:

Игра 5-Нацртај ја осаменоста(Проекција)

Со поттик на детската фантазија ќе продрете до онаа емоционална бариера која често е безбедна преграда за детето од надворешните влијанија, најчесто емоции и сензации кои досега не ги сретнало. Охрабрувањето на детето да дејствува, да ја вежба својата автономија, во согласност со упатствата на родителот, секогаш вродува позитивен исход. А проекцијата со цртеж може да биде индикација и на безброј емотивни кочења кај детето, па дури и разрешница за некои проблеми(сепарациона анксиозност, ноќна енуреза и сл.) Обрнувајте внимание на цртежите, затоа што тие за децата се зборови и молитви.

 

Игра 6- Измислете збор за „дома“

Ќе се зачудите колку длабока е детската имагинација. Околу четвртата и петтата година детето станува комплетно свесно дека јазикот е негова најсилна артилерија, но сѐ уште цврсто се држи до емоциите. Тогаш започнуваат и обидите детето да создаде свој јазик, затоа што често сака да зборува без да биде разбрано од возрасните. Можеби ваквиот модел го пресликува токму од возрасните, кои знаат да говорат во шифри пред него, па оттука и неоспорната љубопитност.

Поттикнете го детето на „браинсторминг“. Кога тоа би одлучувало, кој би бил зборот за дома? И зошто?

 

Игра 7-Излез од лавиринтот

Нацртајте лавиринт кој ќе се состои од брановидни и прави, полни линии. Објаснете му дека брановидните линии означуваат вода, додека правите линии копно. Детето треба да стигне до китот движејќи се само по брановидните линии, учејќи ја симболиката на природните појави и геометријата.

 

Игра 8- Јајце со мотиви од „Детето и китот“

Бидејќи рецензијата ја пишуваме непосредно пред големиот христијански празник Велигден, за крај замисливме една активност која ќе биде подеднакво забавна и за двете страни. Нема да должиме многу, само дозволете и’ на фантазијата да ве поведе. Уживајте!

 

Пишува: Јована Матевска-Атанасова

На фотографиите: Ива

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram