Нема производи.

Филм според „Јуда“ од Амос Оз во режија на Дан Волман

  /  Вести   /  Филм според „Јуда“ од Амос Оз во режија на Дан Волман
Јуда Амос Оз

Филм според „Јуда“ од Амос Оз во режија на Дан Волман

 

 

Инспириран од истоимениот роман на Амос Оз, филмот раскажува приказна за предавство сместено во Ерусалим во доцните 1950-ти.

 

Израелскиот писател и режисер Дан Волман има изградено опсежна кариера од 50 години поминати во филмската индустрија. Неговите последни филмови се прикажуваа и добија награди на најпрестижните фестивали, како тие во Берлин, Њу Делхи и Москва, меѓу другите. Моментално, режисерот е во постпродукција со своето најново остварување, „Јуда“, филм што е инспириран од истоимениот роман на истакнатиот израелски писател Амос Оз. Книгата е преведена на повеќе од 35 јазици, одлично прифатена од критичарите и се продала во повеќе од половина милион примероци во Европа. На македонски јазик е објавена во издание на „Антолог“.

 

Приказната е сместена во Ерусалим, кон крајот на 1959 година. Шмуел Аш, чувствителен студент што се откажува од универзитетските студии бидејќи татко му банкротира, е принуден да се вработи како негувател на еден постар, неподвижен маж, Гершом Валд, кому му треба некој со кого ќе може да се кара. Валд дознава дека Шмуел престанал да работи на својата дисертација, која за тема ги имала еврејските гледишта за Исус. Разговорот меѓу овие двајца протагонисти се движи колку хуманоста на Исус. Шмуел му кажува на Валд за неговата алтернативна теорија за Јуда Искариот: тој вели дека верува дека Јуда воопшто не бил предавник, напротив, бил највистинскиот верник во божественоста на Исус. Во меѓувреме, се развива одреден однос меѓу Шмуел и снаата на Валд, Аталија Абрабанел, сензуална и мистериозна жена. Шмуел се заљубува во неа, во нешто што прераснува во приказна за созревањето.

 

„Јуда“ е продуциран од Амир Гедалија и Дан Волман, а неговата премиера би требало да биде кон средината на март.

 

 

Извор: https://cineuropa.org/en/newsdetail/422455/

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram