Нема производи.

Франц Кафка: Интересни факти за големиот писател

  /  #bookworm   /  Франц Кафка: Интересни факти за големиот писател
кафка

Франц Кафка: Интересни факти за големиот писател

 

Најдобро познат по  новелата „Преобразба“, Франц Кафка се смета за еден од најважните писатели на дваесеттиот век.

 

Роден во Прага во 1883 година, Франц Кафка прераснал во еден од водечките писатели на дваесеттиот век. Неговите дела го поврзуваат секојдневниот живот со неверојатното, креаирајќи фантастични и бизарни приказни. За жал, животот на Кафка во многу аспекти бил сличен со приказните што ги пишувал. Прочитајте ги овие интересни факти за животот и творештвото на големиот писател.

 

  • Пред да стане еден од најзначајните ликови на дваесеттиот век, Кафка работел во осигурителна компанија во Прага, сосема непознат на јавноста како автор. Ја напуштил работата бидејќи немал доволно време да се посвети на пишувањето.
  • Поимот „кафкијански стил“, наречен по него, укажува на енигматичен и кошмарен свет, во чест на вознемирувачките слики со кои ги создавал расказите и романите.
  • Има астероид што го именувале по него во 1983 година. Ја обиколува Земјата на секои 523 дена.
  • Според сведочењето на Макс Брод, Кафка го замолил да ги запали сите негови необјавени и незавршени ракописи и романи по неговата смрт. Тој не го послушал, постхумно објавувајќи ги „Процес“ и другите книги што наскоро станале класици.
  • Кафка напишал писмо од стотина страници до татко си, осврнувајќи се на неговиот авторитарен карактер. Доминантниот лик на татко му имал огромно влијание врз неговите личност и творештвоо.
  • Во текот на својот живот, Кафка напишал стотици писма до семејството и до блиски пријатели, вклучувајќи го и татко му, со кого докрај имал напнат и формален однос.
  • Расказот „Пресудата“ го напишал во една вечер.
  • Во 1988 година, рачнопишуваниот ракопис од „Процес“ се продал за 1,98 милиони долари.
  • Кафка имал само 41 година кога починал од туберкулоза.
  • Неговото творештво имало огромно влијание во дваесеттиот век но и денес, како врз голем број писатели и критичари, така и врз филозофи и други уметници.
  • Пишувањето го доживувал како форма на „молитва“.
  • Често пишувал за безлични организации и за бирократијата, како и за некој мистериозен авторитет.
  • Иако почитуван во кругот на своите пријатели како одличен писател и интересна личност, едвај бил признаен како автор бидејќи многу малку од неговите дела биле објавени. Сепак, неговата репутација доживеала огромен пораст по смртта.
  • Во родната Прага, има два споменика што го слават авторот, како и Музејот на Кафка, отворен во 2005 година, кој е посветен на неговиот живот и творештво.
  • Кафка бил роден во еврејско семејство од средна класа, во Прага, која тогаш била под австроунгарска власт. Прв јазик му бил германскиот и сите негови литературни дека се напишани на германски, иако зборувал течен чешки.

„Мислам дека, воопшто, треба да се читаат само книги што ќе нѐ дожежат и боцнат. Ако книгата што ја читаме не нè разбуди со удар на тупаница в чело, зошто тогаш ја читаме?“

― Franz Kafka

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram