Нема производи.

Нема производи.

Марина за „Петтиот брод“ на Моника Компаникова, авторка која беше на BookStar 2022!

  /  Рецензии   /  Марина за „Петтиот брод“ на Моника Компаникова, авторка која беше на BookStar 2022!

Марина за „Петтиот брод“ на Моника Компаникова, авторка која беше на BookStar 2022!

 

Уште едно дело во издание на Антолог кое го вбројувам во фолдерот – Моќно и незаборавно!

Оваа неверојатна приказна ќе ве распарчи и ќе ве принуди да се соочите со тешки прашања за вашите сопствени односи со вашите родители, деца, соседи…

Роман кој раскажува многу трогателна и шокантна човечка приказна, во која главниот протагонист е доловен низ перспективата на млада девојка, уште дете.

Ова е книга во која многу пластично и веродостојно се опишани нарушени семејни односи и насликани се дисфункционални семејства.

Главниот протагонист во книгата е Јарка, сега веќе возрасна жена, а текот на приказната е сплет на ретроспективно пренесени случувања од нејзиниот живот.

Јарка живее на маргините, од сите можни аспекти. Најраните спомени од детството на Јарка се поврзани со изостанок на константен дом. Најдолг период за неа дом претставува станот на баба ѝ, каде тие, трите жени, живеат заедно, а всушност одделно. Баба ѝ е жена која не сака да биде нарекувана мамо и бабо, а мајка ѝ е премногу либерална, неодговорна, самохрана мајка.

Ликот на Јарка веднаш ги освојува симпатиите на читателите. Невозможно е да не почувствувате длабока емпатија за централниот лик кој копнее по мајчинската наклонетост додека нејзината мајка копнее за машки погледи.

Не е само отсуството на вниманието и наклонетоста кон малиот протагонист, туку и грижата, родителската, семејната, мајчината, грижата кон дете, кон човек воопшто.

Оставена да се грижи сама за себе, Јарка живее во ужасот кој претставува производ на егоизмот, нарцизмот и сопствените неостварени амбиции на нејзината мајка, спречени од непланираната бременост во младоста.

За разлика од слободното воспитување на Јарка, нејзиниот помлад пријател Кристијан живее во тотално спротивна, стерилна средина под близок надзор на неговите вознемирени родители. Тие двајца склучуваат неверојатен сојуз во кој преку нивните екстремни разлики, се открива всушност нивното единство.

Водејќи нè преку раното детство, низ највпечатливите настани од животот, заплетот на книгата, расплетувајќи се низ очите и психологијата на малата протагонистка наместо возрасната Јарка, преку зрелиот наративен стил на авторката совршено ги доловува болните теми за кои пишува. Преку наивноста на детето и ограниченото, поедноставното и пред сѐ искрено доживување на светот, овој роман гласно зборува за неколку потресни и актуелни теми на денешнината.

Романот изобилува со фрагменти од празниот живот.. занемарување.. загуба.. талкање.. потрага по себе.. И се труди да се осврне кон потрагата по себе, преку главната активност на Јарка низ целиот роман – се обидува да изгради арка, што ја симболизира борбата за преживување.

Овој роман се закитил со најпрестижна книжевна наградата во Словачка, а според него е снимен истоимениот филм, кој исто така ја освоил првата награда во категоријата филм за млади.

 

Пишува: Марина Кљајиќ Петковски

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.

    YouTube
    LinkedIn
    Share
    Instagram