Нема производи.

Наградата „BookStar 2020“ за „Ана“ од Николо Аманити – в понеделник ексклузивна онлајн средба со авторот!

  /  Соопштенија   /  Наградата „BookStar 2020“ за „Ана“ од Николо Аманити – в понеделник ексклузивна онлајн средба со авторот!

Наградата „BookStar 2020“ за „Ана“ од Николо Аманити – в понеделник ексклузивна онлајн средба со авторот!

 

 

Организацискиот тим на Фестивалот на европската книжевност „BookStar“ со големо задоволство го најавува специјалното онлајн-гостување на моментално еден од најактуелните италијански и светски писатели, но и сценарист и режисер – Николо Аманити, кому оваа година ќе му биде доделена наградата „BookStar“ за најчитана книга помеѓу две изданија на Фестивалот.

 

 

В понеделник (26 октомври) со почеток во 19 часот во Кинотека на Северна Македонија ќе биде промовиран неговиот роман Ана, издание на „Антолог“, кој на македонски јазик го приопшти Калина Јанева. Романот беше најпродаваниот наслов на Првиот е-саем на книги во организација на „Антолог“, кој се одвиваше во април и мај оваа година, а е објавен со поддршка на програмата Креативна Европа на Европската Унија, како дел од проектот ЧИТАМЕ ЗАЕДНО! / UNITED WE READ!. Разговорот со авторот ќе го води книжевничката, универзитетска професорка и преведувачка Анастасија Ѓурчинова.

 

Главниот лик во романот, девојчето Ана, нејзиниот брат и други деца шетаат низ Сицилија, јадат слатки и конзервирана храна, борејќи се да преживеат. Храната и водата стануваат луксуз. Пожари беснеат низ целата земја. Пред четири години опасен вирус од Брисел ја заразил целата планета и го убил целото возрасно население! Останале само деца.

Организирани како детски орди, изгубените и оставени мали жители изгледаат како да ја започнуваат цивилизацијата од нула.

Поминувајќи низ низа авантури и опасности, спознавајќи ги љубовта и пријателството, Ана расте и созрева. Пред да умре, мајка им ги предупредува дека, кога ќе достигнат одредена зрелост, вирусот ќе ги убие и нив. Но им кажува и дека некој, некаде, ќе има лек!

Во овој извонреден дистописки роман, Аманити фрла остра критика на корпоративниот глобализам што владее со светот и го потсетува човештвото дека наскоро ќе исчезне ако се остави на ова и не се спротивстави.

Иако оригинално објавен пред 5 години, романот е неверојатно актуелен во моментов, пред сè поради тематиката што ја обработува, но и поради серијата снимена според него што наскоро ќе почне да се прикажува.

 

Николо Аманити (роден 1966) е италијански писател, филмски сценарист и режисер. Студирал биологија. Автор е на неколку романи и збирки раскази. Добитник е на највисоките книжевни награди во Италија – „Вијареџо“ и „Стрега“. Голем дел од неговите книги се филмувани од режисери како Габриеле Салваторес и Бернардо Бертолучи. Како ТВ косценарист и режисер дебитира на серијата „Тhe Miricle“ (2018). На почетокот од 2021 година на каналот Скај (Sky) ќе биде прикажана ТВ серијата „Ана“, базирана на истоимениот роман, по сценарио и режија на Аманити.

 

За настанот ќе биде обезбеден превод на македонски јазик и ќе биде организиран во согласност со протоколите за организирање настани во затворен простор. Бројот на посетители е намален, носењето маски е задолжително за време на целиот настан. Гостите се замолуваат да дојдат 15 минути пред почетокот на настанот.

Со овој ексклузивен настан Фестивалот „BookStar“ ги заокружува гостувањата на странски автори, а до крајот на неделата следува уште промоцијата на романот Виенски гамбит од Анде Јанков (во Велес).

 

Напиши коментар

nineteen − 4 =

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


Потврдувам дека сум постар од 16 години.
YouTube
LinkedIn
Share
Instagram