Нема производи.

„Пирамидите на денот“ – раскази за читање во мирна атмосфера

  /  Рецензии   /  „Пирамидите на денот“ – раскази за читање во мирна атмосфера

„Пирамидите на денот“ – раскази за читање во мирна атмосфера

 

 

 

Интересна и необична збирка раскази кои никако не се за на плажа, и покрај тоа што сме лето.  Расказите на оваа авторка се мошне искрени, длабоки а во одредена доза сурови.  Авторката Ополскаите обработува тематика во која сите се пронаоѓаме – семејството. И секако, каде без љубовта. Во ова нејзино литературно дело на еден фин и суптилен начин се анализираат семејните односи, кои во секое семејство се различни.

Ополскаите пишува за љубовта, за халуцинациите, за загубата на најблиските луѓе раскажана токму од луѓето кои знаат дека ќе заминат на некое помирно место од овој безмилосен свет.

Ми се допаднаа описите низ сите раскази и во одредени моменти се чувствував како да гледам сликовница со толку реални моменти. Расказите носат интресни пораки и поуки кои можеби ни се познати и сме ги сретнале во животот.  Едно сфатив – работите никогаш не треба да ги форсираме. Нека си имаат свој природен тек, па макар бил и измислен. Како што никој не им помага на плодивите да узреат. Тие сами ќе си ја направат својата работа.

Ќе бидеме ли некогаш родители и дали треба да бидеме? Дали треба да имаме деца за кои само едниот родител ќе биде жртва а другиот го колне денот кога ја добил таа улога – родител.  Ќе почнеме ли да го живееме животот конечно за НАС? До кога ќе им угодуваме на другите, а на никој нема да му е грижа за нашата среќа? 

,,Светот е премногу голем за да се интересираш за него. Секој е незначителен дури и за самиот себеси. Инстинктите, тоа е сè што ни останува. Додека сме живи, додека ги имаме, барем за нив можеме да живееме. Зошто да не! Овде и сега. Зошто да не?”

Расказите читајте ги во мирна атмосфера. На здравје! 

Пишува: Јорданчо Цветаноски 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram