Опис
Во еден манастир во Варшава се одржува групна психотерапија преку нов метод на лекување, кој предвидува поделба на улоги меѓу пациентите. По една од сеансите, Хенрик Телак е пронајден брутално убиен со нож во окото. Случајот му е доделен на државниот обвинител Теодор Шацки, кој се бори со средовечна криза. Навлегувајќи сè подлабоко во случајот на несекојдневното убиство, открива дополнителни слоеви на застрашувачка моќ во езотеричните терапевтски методи. Шацки застанува против „црвената пајажина“, која ќе го одведе до поранешно убиство од времето на комунизмот.
Но зошто одеднаш и Тајната полиција се интересира за случајот? Откривајќи ги деловите од сложувалката, Теодор сфаќа дека можеби е подобро да не продолжува понатаму. За неговата лична сигурност.
Истоимениот филм е снимен според овој роман.
