Првиот настан во рамките на Фестивалот „BookStar 2020“ беше изложбата на фотографии на македонскиот режисер Милчо Манчевски, која беше отворена на 1 октомври 2020 година во Музејот на современата уметност. Настанот беше и промоција на книга со фотографии од изложбата, насловена „ТАМУ“, издание на „Антолог“. Во книгата и изложбата се избрани 88 колор фотографии, создавани во период од десет години.