Нема производи.

Рецензија од прв читател: Перица за „Вкусот на одмаздата“ од Јуси Адлер-Олсен

  /  Рецензии   /  Рецензија од прв читател: Перица за „Вкусот на одмаздата“ од Јуси Адлер-Олсен

Рецензија од прв читател: Перица за „Вкусот на одмаздата“ од Јуси Адлер-Олсен

 

 

Специфично за книгите на Олсен е тоа што тој не ни ги нафрла убиецот и неговиот живот во последните неколку страници, туку паралелно со главната приказна ни ја раскажува и неговата приказна, со што се запознаваме со деталите за убиецот и како тој стигнал до тоа што го прави денес.

Олсен овој пат нѐ носи во средината на дваесеттиот век, кога сите оние девојки за кои мислеле дека се развратнички, проститутки, непослушни, ги казнувале и им го одземале правото да станат мајки некогаш во животот.

Потоа приказната се движи во осумдесеттите години, кога Нет Хермансен живее убав и спокоен живот со својот маж. Но тогаш се случува нешто што ќе ѝ го преврти животот како центрифуга, и тоа поради една единствена личност што во минатото ѝ направила премногу зло. Затоа, таа се решава на потег што ќе ѝ го смени животот и планира да им се одмазди на сите оние што ѝ го загорчиле и ѝ го уништиле животот, а нив ги има во голем број.

Во 2010 година, на масата на познатиот детектив Карл Морк се наоѓа случај за Рита, сопственичка на бордел, која исчезнала во минатото и никој ништо не знае за неа. Тука на патот излегува и успешниот хирург Курт Вад, кој се поврзува со сите случаи што Карл моментално ги истражува.

Јуси не само што ќе успее да ги поврзе сите приказни на еден предобар начин туку и нѐ воведува во животот што се живеел во Данска во минатото и што се живее сега. Ни прикажува како еден човек може да ја земе судбината на многу луѓе во свои раце и да изигрува Бог и колку немилосрдно може да биде тоа. Целата приказна нѐ вози како низ ролеркостер од самиот почеток, па до крајот.

Секој од ликовите е особено добро напишан, па дури и споредните ликови. Од една страна Асад, помошникот на Карл, кој во секој момент е подготвен да каже некоја глупост, и Роуз, помошничката на Карл, која има проблем со повеќекратна личност, и двајцата многу паметни и интелигентни. Од другата страна е и ликот на Нет, преку кој дознаваме колку е брутално и болно тоа што ѝ се случило и што ја натерало на таков потег.

За крај, би сакал да им ги препорачам на читателите книгите од Јуси бидејќи, освен трилер со добра приказна, ќе ја прочитате и онаа спротивната страна и ќе навлезете во умот на убиецот, психопатот, и во неговата приказна.

 

Пишува: Перица Илиевски

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram