Нема производи.

Теодора Донакова, книжарка

  /  Специјалитет на куќата (Антолог препорачува)   /  Теодора Донакова, книжарка

Теодора Донакова, книжарка

 

 

Теодора Донакова е најновиот член на тимот на Антолог. Студентка е на Катедрата за македонска книжевност и јужнословенски книжевности и заштитно лице на нашата книжарница во Центар. Ова се петте фаворити на Теодора од изданијата на Антолог:

1. Чернобилска молитва – Светлана Алексиевич

Потресна, искрена приказна преполна со емоции на секоја страница. Книга што говори за една од најголемите катастрофи на човештвото  и на човечката душа. Судирот на раскажаното и доживеаното. Потресните сведоштва на оние кои се вратиле во Чернобил, но и оние кои го загубиле својот дом, не го оставаат човека рамнодушен. Истовремено, тоа е и книга што нѐ учи како да го сакаме и цениме она што е највредно – нашиот живот.

 

2. Невидлива жена – Славенка Дракулиќ

Дали со староста жената веќе не постои во очите на ниту еден човек и какви се самотијата и смртта? Зошто ни е толку тешко да се погледнеме во огледалото и да се прифатиме какви што сме? Дракулиќ во оваа книга јасно ги поставува општествените, но и личните предрасуди за тоа како ги доживуваме  староста, смртта, самотијата и колку во суштина сме зависни од туѓото мислење. Од неа извлеков поука, дека самите треба да се прифатиме себеси онакви какви што сме и едноставно да ги разбиеме предрасудите.

 

3. Не правете им сенка на гробовите – Дијана Петрова

Спој од фантазијата и реалноста, создавање една морничаво позитивна слика за смртта. Што е грев, како се дефинира тој и како се простува? Дали воопшто се простува? Покажани се сите облици на гревот и на смртта. Што се случува кога умираме, каде ни оди телото, а каде душата, каде одиме ние? Со читањето на оваа книга, забележав колку е тешко да се соочиш и согласиш самиот со себе, со своите стравови.  Дека потсвеста е онаа која си поигрува со нас. Мајсторијата е во тоа што, низ секој расказ и лик, можеме да најдеме нешто го имаме во себе, она што е скриено некаде во темниот дел од нас.

 

 

4. Сега е најдолгото никогаш – Јосип Коцев

Една модерна поезија која ја толкува љубовта на еден нов, необичен начин. Начинот на кој ги претопува сопствените емоции и мисли на парче хартија  овој млад и извонреден поет, те тера одново и одново да препрочитуваш. Збирка со кратки песни, за долго да ги паметиш.

 

5. Деца на злото – Миодраг Мајиќ

Таинствена и мистериозна, ме натера да ја читам без престан сѐ додека не стигнав до самиот крај. Начинот на кој се прикажуваат целата состојба и хаос кој владее, не е далеку од реалната слика што ја имаат сите за самиот Балкан.  Приказна што ги  покажува прикривањето и изобличувањето  на вистината, само да се спаси оној  кој е виновен. Еден реален приказ на тоа колку човековото љубопитство некогаш може скапо да чини, но и колку е всушност лажен светот во кој живееме.

 

 

Напиши коментар

15 − 11 =

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


Потврдувам дека сум постар од 16 години.
YouTube
LinkedIn
Share
Instagram