Опис
Јубилејното издание на револуционерниот бестселер број 1 на The New York Times содржи нов предговор и нови алатки што ќе ви помогнат оваа книга да ја претворите во лично искуство и секојдневна практика.
Повеќе од една деценија Брене Браун има посебно место во срцата на читателите како извонредна водачка и сопатничка на патот на животот. Таа е истовремено општествена научничка и пријателка со која би седеле на иста маса – личност на која секогаш можете да сметате дека ќе ви ја каже вистината, ќе ве насмее, а понекогаш и ќе заплаче заедно со вас.
Она што прерасна во вистинско движење започна токму со „Моќите на несовршеноста“, книга што е продадена во повеќе од три милиони примероци и преведена на 36 јазици низ светот.
Она што ја претвора оваа книга од обични зборови на хартија во делотворна секојдневна практика се десетте насоки за сесрдно живеење.
Тие не само што ни помагаат да ги разбереме навиките и принципите што можат да ги променат нашиот живот и нашите семејства туку и нè водат низ недостижните и самоуништувачки очекувања што ни стојат на патот.
Брене вели: „Оваа книга е покана да ѝ се придружите на револуцијата на животот со цело срце. На едно мало, тивко движење што никнува од самите луѓе и започнува во мигот кога секој од нас ќе си каже: ’Мојата приказна е важна затоа што и јас сум важен/важна.‘ Можеби зборот револуција звучи малку драматично, но, на овој свет, да се избере личната автентичност и достојност претставува апсолутен чин на отпор.“


Рецензии
Сѐ уште нема мислења