Нема производи.

Антолог најавува: „Јуда“ од Амос Оз

  /  Во подготовка   /  Антолог најавува: „Јуда“ од Амос Оз

Антолог најавува: „Јуда“ од Амос Оз

 

 

Излегува од печат уште едно маестрално дело на Амоз Оз во кое доаѓаат до израз неговата генијалност и проучување на човечкиот ум со сите противречности. Романтичен и трогателен, ова е роман полн со меланхолија, но и со хумор и мудрост, низ кој се испреплетени историјата и религијата.

Ерусалим, 1959 година. Шмуел Еш, студент на Хебрејскиот универзитет и млад проучувач на Библијата, се чувствува изгубено. Семејството му е на раб на финансиска пропаст, неговото истражувачко дело е во криза, а девојка му решава да се омажи за претходното момче. Во моментот кога треба да го напушти Ерусалим, наидува на оглас и одлучува да ја прифати работата како негувател на генијалниот, но зајадлив старец, Гершом Волд.

Еден од највлијателните романи на Оз.

Амос Оз (1939-2018) бил израелски писател, новинар и интелектуалец. Предавал книжевност на Универзитетот „Бен-Гурион“. Меѓународно признат писател, сметан за најпознат автор од Израел. Автор е на 40 книги: романи, збирки раскази, книги за деца и есеи, преведени на 42 јазици. Добитник е на огромен број меѓународни книжевни награди, како наградата за литература на Принцот од Астурија, како и наградите „Франц Кафка“, „Фемна“, „Гете“, „Хајнрих Хајне“ и Израелската награда.

Наскоро во сите продажни места на Антолог.

 

 

Напиши коментар

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


    Потврдувам дека сум постар од 16 години.
    YouTube
    LinkedIn
    Share
    Instagram