Нема производи.

Читачи на одмор – кој тип си ти?

  /  #bookworm   /  Читачи на одмор – кој тип си ти?

Читачи на одмор – кој тип си ти?

 

 

Дали си инфлуенсер? Ученик? Или авантурист? Направивме преглед на најчестите типови читачи за време на летните одмори.

Без оглед дали летово го помина во локалниот парк или беше меѓу првите што резервираа на една од поатрактивните локации, дури ни корона-вирусот не може да ја уништи магијата на читањето на плажа.

Дали уште од јануари имаш долг список на книги за читање или во последен момент го зграпчуваш оној ценет класик што со години го чуваш на полиците во домашната библиотека? Дали си ги планираш книгите што треба да ги прочиташ како што ги планираш состаноците на работа или дозволуваш да те понесе авантурата во моментот?

Разгледај ги следните категории на летни читаачи и провери во која ќе се пронајдеш.

 

Инфлуенсер

Прегледа илјадници објави на социјалните мрежи и помина цели денови гледајќи видеа од книгољупци на Јутјуб за да го составиш списокот на книги за кои сметаш дека ќе бидат хит, врз основа на тоа колку добро звучи нивниот наслов или, уште поважно, колку добро нивната корица ќе изгледа на Инстаграм. Исто толку време потроши барајќи соодветни „атмосфера и опкружување“ за сликите со книгите (веќе имаш испланирано десетина различни шолји со ладно кафе, по една за секоја книга, што прекрасно ќе се вклопат во кадарот на плажа). Се надеваш дека „лајковите“ ќе ги мотивираат луѓето да купуваат книги, но, за секој случај, својот летен избор на книги му го буткаш в раце секому во својот живот (од твоите роднини и пријатели до поштарот и касиерката во маркетот во кој пазариш) за да го осигуриш својот статус на инфлуенсер и офлајн и онлајн.

 

 

 

Авантурист
Или во еден здив ја читаш книгата што си ја зел или едноставно не ти е по ќеф. Како и да е, секогаш се соочуваш со ист проблем: си го потрошил целиот материјал за читање, а останати се уште цели четири дена од одморот. Но нема простор за грижи, тука се секогаш твоите подобро подготвени роднини и пријатели.
Што да прочиташ следно? Можеби генијалниот трилер што тукушто го дочита твојот најдобар пријател или научнофантастичната трилогија што брат ти ја купи од книжарницата на аеродромот. А можеби уште повеќе ќе ризикуваш и ќе се нурнеш во еклектичната библиотека на локацијата во која моментално престојуваш за својот летен одмор и таму ќе пронајдеш дел од себе што досега го немаш откриено.
Жанровите, авторите и концептите што соодветствуваат на твојот книжевен вкус во „обичниот живот“ не се применливи и овде. Сега си сосема опуштен, исончан, подготвен за авантура – сепак е одмор, нели?

 

Патувач

Генерално избегнуваш водичи. Која е користа од тоа што ќе знаеш кое е работното време на музеите или ќе добиеш еднодневен пешачки распоред за „откривање на Стариот Град“? Што ќе ти се тие работи кога пред себе ја имаш целата фикција и нефикција, која ти нуди поглед на љубовните приказни, животите и историјата на пределите во кои патуваш?! Не е важно што летото ќе поминеш само неколку здодевни денови во Дојран, реално има неколку локации што сѐ уште не го инспирирале човештвото да напише збор-два за нив. Зашто, чувството на слобода и мирисот на алгите во август, надополнети со песната на локалниот акцент испишан на страниците од книгата, се бесценети.

 

Трагач по приказни

Отсекогаш си мислел дека нејасниот снобизам што се сфаќа под поимот „роман од аеродромот“ не е фер. Аеродромите, покрај сѐ, се монотони места што никогаш не мируваат: има ли подобар начин да се поднесе времето што треба да го поминеш таму од тоа да прочиташ книга со неповторлива приказна? Неверојатно интензивен трилер, загадочен крими-роман, љубовна сторија што ќе ти го затрепери срцето: книги со приказни што ќе те проголтаат, па дури и ќе те исполнат со благодарност за четиричасовното одложување на летот и сличните вообичаени аеродромски предизвици. На крајот на краиштата, и одморите се шанса за бегство, а ништо не ги исполнува часовите на плажата подобро од возбудлива приказна.

 

Престижен  читател

Во куферот имаш место за три книги и четири маици – па зошто да не го понесеш апсолутно најдоброто? Твојата листа за читање страшно потсетува на салата од последниот добитник на Букерова и финалистите за Пулицерова, се разбира кога не се занимаваш со класиците што мора да се прочитаат. Секогаш следиш сѐ и за сѐ имаш свои ставови и размислувања. Па, иако копнееш да најдеш време да ги препрочиташ своите книжевни фаворити, пред некој ден на интернет ги истражуваше добитниците на Букерова од 2005 година наваму и сфати дека токму годинашната добитничка ја немаш прочитано – а никогаш не можеш да бидеш комплетен читател без тоа!

 

 

Ученик

УЧЕЊЕТО Е ЗАБАВНО – постојано си повторуваш како мантра додека систематски ја нарачуваш секоја книга што ќе ја најдеш за Американската граѓанска војна / геологијата на Исланд / политичката теорија на Античка Грција. Не се за тебе оние слатки задоволства за мозокот и духот – попознати како „романчиња“ – затоа што ти од одмор сакаш да се вратиш помудар и побогат со нови сознанија за светот. Важно ли е што по само 50 страници се откажа од книгата за да „скролаш“ по Инстаграм? Секако дека не.

Учењето е долготраен процес. Ќе се вратиш на читањето на патот кон дома.

Напиши коментар

thirteen + 17 =

ул. „Ѓорѓи Пулевски“ бр. 29 лок.1 +389 2 3201 007 poddrska@antolog.mk

Пријави се за Антолог билтен за новости.

Дознај кои се најнови книги, понуди, попусти и друго


Потврдувам дека сум постар од 16 години.
YouTube
LinkedIn
Share
Instagram